წესები და პირობები
ბოლო განახლება: 10 ნოემბერი, 2026
ეს გვერდი აწესრიგებს reffix.ge-ზე შეკვეთას, გადახდას, მიწოდებას, დაბრუნებასა და გარანტიას. შეკვეთის დადასტურებით ამ წესებს ეთანხმები; გვერდი შეგიძლია შეინახო ან დაბეჭდო.
1. კომპანია და კონტაქტი
- სავაჭრო სახელი: REFFIX
- იურიდიული პირი: შპს რეფიქსი, საიდენტიფიკაციო კოდი 404439318
- იურიდიული მისამართი: ქ. თბილისი, ალ. თვალჭრელიძის მე-3 შეს. 2ა, საქართველო
- ფილიალები: თბილისი, ა. თვალჭრელიძის 2ა · ბათუმი, მ. ლერმონტოვის 141
- ტელეფონი: +995 32 25 600 25 · ელფოსტა: info@reffix.ge
reffix.ge ყიდის ლაქ-საღებავ მასალებს, გრუნტს, საგოზავს, გამხსნელს, ზუმფარას, ჰერმეტიკსა და შესაბამის ხელსაწყოებს. ყოველი პროდუქტის აღწერა, ფასი და მარაგი მის გვერდზეა, ტექნიკური ფურცლები დოკუმენტაციაში.
2. შეკვეთა
- პროდუქტს კალათაში ამატებ და შეკვეთის გვერდზე ავსებ სახელს, ტელეფონს, მიღების და გადახდის გზას.
- დადასტურებამდე ხედავ პროდუქტებს, რაოდენობას, მიწოდებას და საბოლოო ჯამს; ყველაფერი სწორდება.
- ეთანხმები ამ წესებს და აჭერ „შეკვეთის დადასტურებას". ამით შეკვეთა გადახდის ვალდებულებით ფორმდება.
- ეკრანზე ჩანს შეკვეთის ნომერი (ანგარიშით შესულს წერილიც მოსდის). საჭიროების შემთხვევაში ოპერატორი დაგიკავშირდება მარაგისა და ჩაბარების დროის დასაზუსტებლად; ხელშეკრულება დადებულად ითვლება შეკვეთის დადასტურებისას.
შეკვეთის გაუქმება დადასტურებამდე ან გაგზავნამდე შეგიძლია ტელეფონით ან ელფოსტით; გადახდილი თანხა სრულად ბრუნდება. თუ პროდუქტი ამოწურულია ან ფასში აშკარა შეცდომაა, შეკვეთას დადასტურებამდე გავაუქმებთ და გაცნობებთ.
3. გადახდის პოლიტიკა
- ყველა ფასი საქართველოს ლარშია (GEL) და მოიცავს დღგ-ს (18%). მიწოდების საფასური ცალკე ჩანს დადასტურებამდე.
- ონლაინ ბარათით (Visa, Mastercard): ბანკის დაცულ გვერდზე 3-D Secure დაცვით. გადასახდელი თანხა ბანკის გვერდზე გადასვლამდე ჩანს, თანხა ბანკის დადასტურებისთანავე იჭრება.
- ინვოისით, გადარიცხვით: იურიდიული პირებისთვის, იხილე კორპორატიული პირობები.
- თანხის დაბრუნება ყოველთვის იმავე გზით ხდება, რომლითაც გადაიხადე; ბარათზე დაბრუნება ბანკის ვადებით აისახება.
4. ტრანზაქციის უსაფრთხოების პოლიტიკა
- ბარათის ნომერს, ვადასა და CVV-ს მხოლოდ ბანკის სერტიფიცირებულ გვერდზე შეიყვან. reffix.ge ამ მონაცემებს არ ხედავს, არ ინახავს და მესამე პირს არ გადასცემს.
- ბარათს არ ვინახავთ: ყოველი გადახდისას ბარათს ბანკის გვერდზე თავიდან შეიყვან.
- საიტი მხოლოდ დაშიფრული (HTTPS) კავშირით მუშაობს; შესვლა მხოლოდ ერთჯერადი კოდით ან Google-ით ხდება, პაროლს არ ვინახავთ; შესვლის ცდები შეზღუდულია.
- ორმაგი გადახდა სისტემურად გამორიცხულია; შემთხვევით მაინც თუ მოხდა, ზედმეტი თანხა იმავე ბარათზე ბრუნდება.
5. მიწოდება
- თბილისი და ბათუმი: კურიერით მომდევნო სამუშაო დღეს; 100 ₾-ზე მეტ შეკვეთაზე უფასო, სხვა შემთხვევაში 5 ₾. კურიერი პროდუქციას შენობასთან მოგიტანს; ჩამოტვირთვა და სართულზე ატანა სერვისში არ შედის.
- რეგიონები: საიტზე შეკვეთა ამ ეტაპზე მხოლოდ თბილისსა და ბათუმში მიწოდებით ან ფილიალიდან გატანით ფორმდება. რეგიონში მიწოდებისთვის დაგვირეკე: ვადა (3-5 სამუშაო დღე) და ტარიფი ზარზე თანხმდება.
- გატანა ფილიალიდან უფასოა; შეკვეთა ფილიალში 5 სამუშაო დღე ინახება.
- კურიერი ჩაბარებამდე გირეკავს. ჩაბარებისას პროდუქტი შეამოწმე და ხილული დაზიანება მიღება-ჩაბარების დოკუმენტში ჩაწერე. მიწოდების მაქსიმალური ვადა კანონით 30 კალენდარული დღეა.
- თუ შეკვეთის ნაწილი მარაგში არ არის, შენი თანხმობით ხელმისაწვდომ ნაწილს გამოვგზავნით, დანარჩენს მოგვიანებით მოგაწვდით ან თანხას დაგიბრუნებთ.
დეტალები: მიწოდება.
6. დაბრუნება და თანხის უკან დაბრუნება
- ონლაინ ან ტელეფონით შეკვეთილ პროდუქტზე უარის თქმა შეგიძლია მიზეზის გარეშე მიღებიდან 14 კალენდარულ დღეში. შეგვატყობინე ტელეფონით ან ელფოსტით და პროდუქტი 14 კალენდარულ დღეში დაგვიბრუნე ფილიალში (უფასოდ) ან კურიერით (შენი ხარჯით).
- თანხას ვაბრუნებთ შეტყობინებიდან არაუგვიანეს 14 კალენდარული დღისა, იმავე გზით, რომლითაც გადაიხადე; პროდუქტის მიღებამდე დაბრუნება შეიძლება გადავადდეს.
- პროდუქტი გამოუყენებელი, სრული და ქარხნული ლუქით უნდა იყოს.
- არ ბრუნდება: შენი ფერით შერეული საღებავი და ზომაზე მოჭრილი მასალა, გახსნილი ორკომპონენტიანი მასალა და გამამყარებელი, გახსნილი საღებავი, ლაქი, გამხსნელი, ჰერმეტიკი და სხვა დალუქული პროდუქტი, რომლის ლუქი დაირღვა.
- ნაკლიან ან არასწორ პროდუქტს ჩვენი ხარჯით ვცვლით ან თანხას ვაბრუნებთ.
როგორ დავაბრუნო: მიწოდება და დაბრუნება.
7. გარანტია
ნაკლის შემთხვევაში კანონისმიერი გარანტია პროდუქტის მიღებიდან 2 წელია: ჯერ უფასო შეკეთება ან შეცვლა, თუ ეს შეუძლებელია, ფასის შემცირება ან თანხის სრულად დაბრუნება. გარანტია არ ფარავს ბუნებრივ ცვეთას, ვარგისობის ვადის გასვლის შემდეგ გამოყენებას და შენახვის ან გამოყენების წესების (ტექნიკური ფურცელი) დარღვევით გამოწვეულ შედეგს. პრეტენზიას ვპასუხობთ არაუგვიანეს 10 სამუშაო დღისა.
8. კანონმდებლობასთან შესაბამისობა და დავები
ეს წესები და საიტის მუშაობა შეესაბამება საქართველოს კანონებს „მომხმარებლის უფლებების დაცვის შესახებ", „ელექტრონული კომერციის შესახებ" და „პერსონალურ მონაცემთა დაცვის შესახებ", ასევე Visa-სა და Mastercard-ის წესებს ონლაინ მაღაზიებისთვის. არაფერი ამ წესებში არ ზღუდავს მომხმარებლის კანონით დადგენილ უფლებებს.
ნებისმიერ საკითხზე ჯერ ჩვენ დაგვიკავშირდი; საჩივარს ვპასუხობთ არაუგვიანეს 10 სამუშაო დღისა. სასამართლოს გარეშე დავისთვის შეგიძლია მიმართო საქართველოს კონკურენციისა და მომხმარებლის დაცვის სააგენტოს (gcca.gov.ge), ასევე საქართველოს სასამართლოს. პერსონალურ მონაცემებზე იხილე კონფიდენციალურობის პოლიტიკა.
9. ცვლილებები
წესების ახალი რედაქცია ამ გვერდზე ქვეყნდება თარიღით. შეკვეთაზე ის რედაქცია მოქმედებს, რომელსაც დადასტურებისას დაეთანხმე; მისი ვერსია შეკვეთასთან ერთად ინახება. მიმდინარე რედაქცია: 2026-11-10.